A Xanela das Fucas nº 64 ( 9-2-21)

A Xanela das Fucas

Programa nº 64 (9-12-2021) Cumprimos a promesa de recordar a escritora Almudena Grandes Hernandez (Madrid, 1960 - 2021) finada o 27 de novembro , en Madrid, de este ano. Estuda Xeografía e Historia na Universidade Complutense de Madrid, traballa no sector editorial como redactora e correctora e coordina unha colección de guías turístico-culturais. Colabora habitualmente en prensa, principalmente no País, e participa como tertuliana nalgúns programas da Cadea SER. Deuse a coñecer en 1989 coas Idades de Lulú, XI Premio O Sorriso Vertical. Desde entón o aplauso dos lectores e da crítica non deixou de acompañala. As súas novelas Chamareiche Venres, Malena é un nome de tango, Atlas de xeografía humana, Os aires difíciles, Castelos de cartón, O corazón xeado e Os bicos no pan, xunto cos volumes de contos Modelos de muller e Estacións de paso, convertérona nun dos nomes máis consolidados e de maior proxección internacional da literatura española contemporánea. Varias das súas obras foron levadas ao cinema por exemplo As Idades de Lulu ao cinema por Bigas Luna en 1990. A súa seguinte novela, Malena ten nome de tanto (1994), é adaptada ao cinema por Gerardo Ferreiro en 1996. En 1997 é a primeira muller que recibe o premio Rossone d’Oro, que antes obtiveran escritores como Alberto Moravia ou Ernesto Sábato. Vive dacabalo entre Granada e Madrid, participa en encontros literarios, e reivindícase como herdeira da gran novelística do s. XIX, especialmente do realismo francés e da narrativa de Benito Pérez Galdós. Gran parte da súa novelística está ambientada nos anos finais do s. XX, e mostra a vida cotiá da España de cambio de século. Tamén lle interesa a guerra civil española: No corazón xeado (2007) presenta o establecemento de varias dinámicas de poder da España contemporánea. Esta mirada ao pasado sistematízase a partir de Inés e a Alegría (2010), que dá comezo a unha serie centrada no conflito bélico denominada Episodios dunha guerra interminable, continuada co lector de Julio Verne (2012), As tres vodas de Manolita (2013) e Os pacientes do doutor García (2017). A quinta entrega da serie, A nai de Frankenstein (2020), está situada na década dos 50.. En outubro de 2018 gana o Premio Nacional de Narrativa. Audios: Diversas entrevistas; “Aunque tú no lo sepas” Luis García Montero e Quique González; Un minuto con Almudena Grandes e Iñaki Gabilondo ; Entrevista na cadena Ser en a Vivir que son dos días ; audio do día do funeral. Fucas que participan: Chelo Carballal Balsa, Sonia Fernández Bellas. A música que escoitamos: A sintonía do programa: La Vita E Bella, (Nicola Piova);