))
Kennis en Selfbeheersing
Manage episode 462041156 series 3072738
Контент предоставлен Jokkie Gauché on behalf of Berni Dymet. Весь контент подкастов, включая эпизоды, графику и описания подкастов, загружается и предоставляется непосредственно компанией Jokkie Gauché on behalf of Berni Dymet или ее партнером по платформе подкастов. Если вы считаете, что кто-то использует вашу работу, защищенную авторским правом, без вашего разрешения, вы можете выполнить процедуру, описанную здесь https://ru.player.fm/legal.
2 Petrus 1:3,5-6 Sy Goddelike krag het ons alles geskenk wat ons nodig het om te lewe en Hom te dien. Dit kom deurdat ons Hom ken wat ons geroep het deur sy heerlikheid en mag. En juis om hierdie rede moet julle alles in die stryd werp om julle geloof te verryk met deugsaamheid, die deugsaamheid met kennis, die kennis met selfbeheersing, die selfbeheersing met volharding, die volharding met godsvrug,
Ons het elkeen snellers wat ons blitsvinnig beheer oor ons emosies laat verloor. Selfs die saggeaardes en gelykmatige ouens onder ons, het hulle. Wat is jou snellers?
Ek het twee. Die eerste een wat my my humeur laat verloor, is wanneer mense my tyd mors. As 'n hoogs gedrewe, uitkoms-georiënteerde individu haat ek om 'n minuut te mors. So wanneer iemand anders my tyd mors, verloor ek my humeur.
Die tweede is mense wat simpel dinge doen; byvoorbeeld nie hul flikkerlig gebruik wanneer hul links draai nie, of hulle inkopietrollie in die middel van die parkeerterrein los in plaas daarvan om dit terug te neem. Ag nee man, sulke dinge ontstel my regtig!
Wat laat jou sommer irrasioneel kwaad word? En, dink mooi of dit die moeitewerd is om voort te gaan om daardie snellers toe te laat om jou dinge te laat doen, waaroor jy later spyt sal wees; of behoort jy iets daaraan te doen?
Ons gesels hierdie week oor ‘n droomlewe, gebaseer op hierdie goddelike stukkie wysheid:
2 Petrus 1:3,5-6 Sy Goddelike krag het ons alles geskenk wat ons nodig het om te lewe en Hom te dien. Dit kom deurdat ons Hom ken wat ons geroep het deur sy heerlikheid en mag. En juis om hierdie rede moet julle alles in die stryd werp om julle geloof te verryk met deugsaamheid, die deugsaamheid met kennis, die kennis met selfbeheersing, die selfbeheersing met volharding, die volharding met godsvrug,
Selfbeheersing in daardie stres-sneller-situasies kan bra moeilik wees. Maar wat is die goeie nuus? God het reeds vir ons die krag gegee; meer nog - inderdaad alles wat ons nodig het om ons lewens toegewy aan Hom te leef. En selfbeheersing is 'n vrug van die Heilige Gees.
Vind jy, soos die res van ons, dat selfbeheersing ietwat van ‘n uitdaging is? Goed. Vra God daarvoor en Hy sal jou dit in oorvloed gee, want dit is noodsaaklik om te leer om selfbeheersing toe te pas, as jy werklik ‘n droomlewe wil lei.
Voeg goedheid by jou geloof; en by jou goedheid kennis; en by jou kennis selfbeheersing.
Dit is God se Woord. Vars … vir jou … vandag.
1458 эпизодов
Поделиться
