))
اپیزود سی و چهار "رادیو زهرمار": میرزا قَشَمشَم
Manage episode 319645311 series 3312710
Контент предоставлен RADIO ZAHREMAR. Весь контент подкастов, включая эпизоды, графику и описания подкастов, загружается и предоставляется непосредственно компанией RADIO ZAHREMAR или ее партнером по платформе подкастов. Если вы считаете, что кто-то использует вашу работу, защищенную авторским правом, без вашего разрешения, вы можете выполнить процедуру, описанную здесь https://ru.player.fm/legal.
شعر و صدای شیون فومنی (شاعر گیلانی)
.
میکس و تولید: شهاب سلیمیان
.
میرزا قشم شم ...
ره میرزا قشم شم سیاست ایشپتکایه
صد تا تی جوری جوجه اونه دان چیلیکایه
تو چه دانی چپ چیسه و راست کویدانه رایه
بئس ایپچه خب آموخته بی بی اَن تی صلایه
تو پالوده پجی قناده دس پنجه سیو ایه
بئس تا نیگیری دوغه عوض اربه دوشابه
بئس تا جه می بلته واکونی تی زرده گابه
بئس یعنی بخوان چه؟ امی خطا؟ نه کیتابه
فاندر چی واسی آی با کولا اِی بی کولایه
تو پالوده پجی قناده دس پنجه سیوایه
هر از بره نشناخته ایسی ویلان و سیلان
خانه بنایی تی دوعایه گردانی قیلان
تی دستا گیری شاله کونی جیر کشی شیلان
تی پوشت تره ان پوشتی نیبه باده هوایه
تو پالوده پجی قناده دس پنجه سیوایه
لانتوس تناود شاخ فناکش پای دوخوس گاب
لاغر میشه ره صاب نده خو ساتوره قصاب
ترسم اوتورایی یهو تی بنده بدی آب
مردای خایه میدان هلا تی ورزا زیزایه
تو پالوده پجی قناده دس پنجه سیوایه
الآن شیمی دورانه امی وازکونی بوگذشت
اَ خلوته میدانه ورانداز کونی بوگذشت
میزقنچی نوا بوئن امی دَوراز کونی بوگذشت
پنبه مانه تی موشت امه ره شلّه پلایه
تو پالوده پجی قناده دس پنجه سیوایه
بازار واکونی یا علی امرا گوله مولا
تو یک شی بگیرا چی به مولا گو له مولا
تی دیل به تی کیشکول خوشه اما گوله مولا
درویشه نمد پاره امی پاره کوتایه
تو پالوده پجی قناده دست پنجه سیوایه
.
رادیو_زهرمار #پادکست #شهاب_سلیمیان# #radiozahremar #podcast شیون_فومنی#
51 эпизодов
Поделиться
