))
ایندی ایسه 20-اینجی ائپیزود سئل اولایینی سایین دؤکتور محب زاده ایله موصاحیبه میز
Manage episode 311472659 series 3128264
Контент предоставлен گئجه یاشامی | Gecə Yaşamı. Весь контент подкастов, включая эпизоды, графику и описания подкастов, загружается и предоставляется непосредственно компанией گئجه یاشامی | Gecə Yaşamı или ее партнером по платформе подкастов. Если вы считаете, что кто-то использует вашу работу, защищенную авторским правом, без вашего разрешения, вы можете выполнить процедуру, описанную здесь https://ru.player.fm/legal.
گئجه یاشامی-نین 20-جی وئریلیشینده سایین قوناغیمیز دؤکتور محب زاده جنابلارییلا بو سورغولاری آراشدیرمیشیق:
کئچن ایلین سون گونلرینده، بایرامی قوتلاماغا حاضیرلاشدیغیمیزدا چوخ دهشتلی بیر خبر مئدیادان یاییلدی. گورونتولر تورکمن صحرا دا بویوک بیر سئلی تصویره چکدیلر. آغ قالا و گوموش تپه سو آلتینا گئتمیشدی. نئچه گون تزه ایلدن کئچینجه باشقا بیر قورخونج خبر شیرازدان گلدی. بیر آز موددتده شیددتلی یاغیش، قرآن دروازاسیندا بؤیوک سئل اوندان آسیلی اولاراق دا انسانی فاجعه یاراتدی.
اوندان سونرا، سئل خبرینی آجیماسیز بیر شکیلده ایرانین لرستان بولگه سینده یئرلشن پلدختر شهریندن ائشیتدیک و سونرالار خوزستان بولگه سی...
سایین محب زاده
1. سیزجه سئل نئجه یارانیر؟ هانسی بولگه لرده، اقلیم لرده و جغرافیالاردا بو دوغال اولایا داها چوخ توش گلیریک؟
2. سایین محب زاده، ایراندا عمومی دانیشیقلاردا و اؤته ری باخیشلاردا ، عموم اینسانلارین آراسیندا بیر باخیش واری ایدی بو سئلین ندنینه گوره، اودا بو کی بو بویوک مقیاسدا یاغینتی لارین و سئل آخماسینین سببی، غیرطبیعی دیر. بولودلاری بارلی ائتمک چوخ دئییلیردی و اوندان سونرا آمئریکانین هارپ پروژه سی. سیزجه بو جور سوزلر نقدر علمی دیر؟
3. سئل آخیب گلدیکدن سونرا و شهرلری بورودویو حالدا، طبیعتا دولت طرفیندن بحران مدیریتی تیمی قورولور. بو تیم اساسا گلیشمیش اؤلکه لرده نجور قورولور؟ ایراندا نئجه ؟ سیزجه سئل اولایندان سونرا نه ائتمه لی ییک؟ اصلینده ایراندا دولت و ملت نه ائتمه لی ایدی و نه ائده بیلردی؟
4. بیز اؤز ادبیاتیمیزا و فولکلور داغارجیغیمیزا باخدیقدا، سئل فئنومئنی او قدر ده فاجعه لی و منفی بیر اولای نظره گلمیر. آتا بابا سوزودور "ائل گوجو سئل گوجو". یا شهریارین شعرینده: "حیدربابا ایلدیریملار شاخاندا سئللر سولار شاققیلداییب آخاندا قیزلار اونا صف باغلاییب باخاندا...."
یا بو گؤزل شعر: حق سئل کیمی دریایه آخیب یول تاپاجاقدیر...
انسانلارین طبیعت ده ال آپارماسی و دخالتی سئلی می یارادیب یوخسا چوخ طبیعی بیر اولای؟
آغاجلارین کسیلمه سی و مرتع لرین آرادان گئتمه سی نقدر ائتگی بوراخیب سیزجه؟
5. سون سورویو گله جگه ایلگیلی سوروشماق ایسته ییرم. نه اولاجاق؟ ایراندا بعضی اوزمانلار بو یاغیشلاری قیتلیق ایللرین سونا ائرمه سی و سولو ایللرین باشلانماسی آنلامیندا بیلیرلر. آما بعضی لری بو اینانیلماز یاغیشلاری دونیادا دییشن اقلیمه ربط وئریرلر. سیزجه بیزی سولو ایللر گوزله ییر یوخسا یوخ؟ و بیر عمران مهندسی اولاراق نه جور گرک بو سئل و بوجور طبیعی اولایلارا حاضیرلاشاق؟
نئینه مه لی ییک؟
ساده دئسم، بو سئلین بیزلره نه درس لری واری ایدی؟
33 эпизодов
Поделиться
