))
ایندی ایسه 21-اینجی ائپیزود تورکجه-میزین سانال دونیادا گئدیشی
Manage episode 311472658 series 3128264
Контент предоставлен گئجه یاشامی | Gecə Yaşamı. Весь контент подкастов, включая эпизоды, графику и описания подкастов, загружается и предоставляется непосредственно компанией گئجه یاشامی | Gecə Yaşamı или ее партнером по платформе подкастов. Если вы считаете, что кто-то использует вашу работу, защищенную авторским правом, без вашего разрешения, вы можете выполнить процедуру, описанную здесь https://ru.player.fm/legal.
بو وئریلیشده #آرزوبلاق-ین قوروجوسو سایین سعید حبیب پور ایله دانیشیغیمیز اولموشدور.
بو وئریلیشده قوناغیمیز سایین حبیب پوردان سوردوغوموز سورولار:
***: سلام سایین حبیب پور
***: اینتئرنئت دیلیمیزه قویولموش قاداغانی سیندیردی دئسک، هئچ یانیلمامیشیق. آرزوبلاقین دا بو قاداغانین سیندیرماسیندا بؤیوک رول اویناماسی دانیلمازدیر. اردیبهئشتین اوچونده آرزوبلاق، اون یاشا دولدو. بو موناسیبتله سیزی و میللتمیزی تبریک ائدیرم. سعید بی صلاح گؤرسز اؤزونوزو داها چوخ بیزلره تانیتدیرین سونراسی دانیشیغمیزی قاباغا آپاراق.
1. ایلک سورونو آرزوبلاقین قورولوشویلا ایلیگلی سورماق ایسته ییرم. بو "آرزی" نه زامان و هاردان باشلادی؟ آماجی نه ایدی؟
2. مومکونسه آرزوبلاقین باشاریلارینی آمارلارا دایاناراق بیزیم دینله ییجیلریمیزه دئیین؟
3. بو اوزون یولچولوغا چیخدیغینیزدا کسینلیکله داشلار آتیلیب، انگل لر یارانیب. ایکی اوچ ایل بوندان اؤنجه سانیرام آرزو بلاق فیلتر اولدی. بو حاقدا معلومات وئره بیلرسینیزمی بی؟ بوجور انگل لر سیزین الیزی سویوتدومو ؟ بلاقی تعطیل ائتمه یا نه بیلیم اؤز باشینا بیراخما فیکرینه دوشدونوزمو؟
4. سایین حبیب پور، مادی دورومونوزدان بیلمیرم دانیشماق اولابیلر می یوخسا یوخ. سئروئرلرین هزینه سی نئچه دی؟ مادی یؤنلردن چتینلیکلرینیز اولورمو؟
5. سایین ایواز طاها ، "ساغلام دیل" آدلی کیتابیندا، اینتئرنئته اؤزل بیر بولوم آییرمیشدیر. "اینتئرنئت؛ منفی و مثبت ائتگی لر" باشلیقلی بو بؤلومده، سایین طاها اینتئرنئتی گوتئنبئرگین اختراع ائتدیگی چاپ ماشینیندان داها اؤنملی و ائتگی لی ساییر. یازارین دیلینجه دئسک: "اینتئرنت بیزی گوج، عادت، حضور، گؤوده لر و باخیش لار دیکتاتورلوغوندان قورتاریر. عئینی حالدا اونون ان گؤوزل اؤزللییی، یعنی گؤوده سیزلییی بیزی شفاهی دؤنمه قایتاریر... هم قان دیر هم قیلینج. بیر یاندان دیلی اؤلومدن قورتاریر، او بیری یاندان ایسه اونو اؤلومه سوروکله ییر." یازارین ان چوخ نیگرانچیلیغی و حضورسوزلوغی دئمک، قایداسیز یازیلارین اینتئرنئت واسیطه سییله راحاتجا پایلاشما امکانیدیر. سیز بو ایمکانی یارالدانلاردان بیری اولاراق بو حاقدا نئجه دوشونورسوز؟ دیلیمیزین اوزه رینده اینتئرنتین اولوملو و اولومسوز ائتگیلری سیزین باخیشیزدان نه لردیر؟
6. بیر باشقا یؤندن بو قونویا توخونماق ایسته ییرم سایین حبیب پور. بیز دیلیمیزی یازماغا جان آتیریق، هر هانسی وسیله و هر بیر یول ایله اولورسا اولسون. مکتوبلاشدیرماق بیر سیرا قایدالار تملینده اولمالی. دئمک بیز بیر "معیار دیله" دوغرو اوغراشماق زورونداییق. سیزجه اینتئرنئت بیزی بو مقصده چاتدیرا بیلر یوخسا داها دا اوزاقلادار؟
7. سیز ان آزی اون ایل بو زمینه ده چالیشمیشسینیز و ایندی ده چالیشمالارینیز دوام ائدیر. تورکجه میزین گله جه یینی سانال دونیا و اینتئرنئت ده نئجه گؤرورسوز؟ آیدین دئسم تورکجه ویکی پدیا کیمی سایتلار نقدر اوغور قازانا بیلرلر؟
8. بی سون سورونو اجتماعی شبکه لرده آز چالیشقان اولمانیزا گؤره سورماق ایسته ییرم. منجه آرزوبلاق اؤزونون تایلاری کیمی سوسیال مئدیا دا گوجلو رکلام اولونمور. ندن لری نه اولابیلر؟ یوخسا بی باغیشلایین توییتر یا اینستاگرام کیمی مدیالارین گلمه سییله بلاق یازما یا بلاق دولاندیرما اؤنجه کی یئرینی الدن وئریر؟
***: وقتینیزی بیزیم اوچون آییرمانیز اوچون گئجه یاشامی اولاراق چوخ چوخ تشککور ائدیریک. اوموروق چالیشمالارینیز دیلیمیزه و میللتمیزه خئیرلی برکت لی اولا. سیزه و امکداشلارینیزا بو یولدا باشاریلار دیله ییریک. ساغ اولون. وار اولون.
33 эпизодов
Поделиться
